Karagdagang Impormasyon

Inanunsyo ng Kongor Studios at Garena ang Pagbabalik ng Heroes of Newerth sa pamamagitan ng “Heroes of Newerth: Reborn”

Ilulunsad ang Heroes of Newerth: Reborn bilang Free-to-Play na Laro na may Binagong Engine, Mga Modernong Feature, at Pagpupugay sa Pamana Nito

Sa pakikipagtulungan sa Garena, ikinagagalak ng Kongor Studios na opisyal na ianunsyo ang pagbabalik ng minamahal na multiplayer online battle arena (MOBA) game na Heroes of Newerth, sa bago nitong pamagat: Heroes of Newerth: Reborn. Nakatakdang ilunsad bilang free-to-play na laro, magdadala ang Heroes of Newerth: Reborn ng bagong yugto sa laro habang nananatiling tapat sa iconic nitong pinagmulan.

Unang inilabas noong 2010, naging cult classic ang Heroes of Newerth sa MOBA genre at namukod-tangi ito dahil sa mabilis na gameplay at malalim na strategy. Ngayon, layunin ng Heroes of Newerth: Reborn na palaguin pa ang pamanang iyon sa pamamagitan ng malalaking upgrade at mas pinahusay na karanasan para sa mga player. Sa mahigit 80 hero na available sa launch at marami pang paparating, binabalanse ng laro ang nostalgia at modernong inobasyon. Mayroon din itong mas mahusay na performance, mas smooth na gameplay, at ganap na binagong user interface.

Binibigyang-Buhay ng Kongor Studios ang Bisyon

“Matapos ang ilang taon ng suporta ng komunidad at dedikasyon ng masugid na fan base, sobrang excited kaming buhayin muli ang Heroes of Newerth,” sabi ni Jesse Hayes, Co-Founder ng Kongor Studios at dating developer ng S2 Games. “Hindi lang ito basta relaunch, kundi muling paghubog sa kung ano ang puwedeng maging laro sa competitive gaming world ngayon. Mula sa visuals hanggang sa network performance, nagsikap kami para maibigay ang pinakamahusay na karanasan sa mga beteranong player at sa mga baguhan.”

Dagdag ni Nick Caras, na kilala rin bilang BreakyCPK, Director of Communications ng Kongor Studios: “Laging may espesyal na puwang ang Heroes of Newerth sa puso ng mga player, at sa HoN: Reborn, pinanatili namin ang mga bagay na nagpaiba sa laro habang in-upgrade namin ang lahat ng nakapaligid dito. Naging mahalaga ang partnership namin sa Garena para maisakatuparan ito, at hindi na kami makapaghintay na bumalik ang mga player sa Newerth.”

Ang Patuloy na Pangako ng Garena sa Franchise

“Noon pa man ay naniniwala na ang Garena sa potensyal ng Heroes of Newerth bilang larong tumatak nang malalim sa mga player nito,” sabi ng kinatawan ng Garena. “Excited kaming makatrabaho ang Kongor Studios para bigyan ng bagong buhay ang franchise. Tinitiyak ng kolaborasyong ito na mananatiling buhay ang diwa ng orihinal na laro habang naaabot ang mas malawak na audience sa pamamagitan ng mga modernong pagpapahusay.” – Jason Ng, Vice President of Strategic Partnerships, Garena

Mga Bagong Feature at Detalye ng Launch

Tampok sa Heroes of Newerth: Reborn ang:

• Ilabas ang Kapangyarihan ng 80+ Hero: Sumabak sa laban kasama ang mahigit 80 piling hero sa launch, bawat isa ay handang mangibabaw sa arena. At patuloy pang lalaki ang roster pagkatapos ng launch!
• Maranasan ang Napakabilis na Gameplay: Gamit ang makabagong engine, mag-enjoy sa sobrang smooth na performance na may mas mataas na FPS at ultra-responsive na 100-tick server.
• Binagong Audio at Visuals: Sumisid sa ganap na remastered na mundo na may pinahusay na tunog, updated na effects, at modernong UI na nananatiling tapat sa larong mahal mo.
• Harapin ang Makapangyarihang Phoenix: Subukin ang sarili laban sa bagong-bagong boss character na si Phoenix, isang mahirap pero sulit na objective.
• I-master ang Mga Bagong Mechanic: Tuklasin ang makabagong gameplay sa pagdating ng mga Raven na tutulong sa vision, ang kakayahang ipa-push kay Kongor ang isang lane, at marami pa.
• Mang-asar nang May Estilo: Dominahin ang mind games! Gumamit ng mga emote para asarin ang mga kalaban at i-tilt sila habang inaangkin mo ang panalo.
• Role Queue: Puwede mo nang piliin kung anong role ang gusto mong laruin kapag nag-queue ka para sa isang match

Para sa karagdagang impormasyon tungkol sa launch ng Heroes of Newerth: Reborn, bisitahin ang opisyal na website sa www.heroesofnewerth.com at sundan ang mga update sa social media sa Facebook at X.

Tungkol sa Garena

Ang Garena ay isang nangungunang global na developer at publisher ng online games. Ang Free Fire, ang sarili nitong gawang mobile battle royale, ang pinaka-na-download na mobile game sa buong mundo mula 2019 hanggang 2021, at ang pinaka-na-download na mobile battle royale noong 2022 at 2023, ayon sa data.ai.

Pinapatakbo ang Garena ng mga masugid na gamer at may natatangi itong pag-unawa sa kung ano ang gusto ng mga gamer. Eksklusibo itong naglilisensya at naglalathala ng mga patok na laro mula sa mga global partner, gaya ng Arena of Valor at Call of Duty: Mobile, sa mga piling market sa buong mundo. Isinusulong ng Garena ang mga social at entertainment na karanasan sa pamamagitan ng mga laro, para makapag-engage at makapag-interact ang mga komunidad nito. Isa ring nangungunang esports organizer ang Garena at nagho-host ito ng ilan sa pinakamalalaking esports event sa mundo.

Bahagi ang Garena ng Sea Limited (NYSE:SE), isang nangungunang global consumer internet company. Bukod sa Garena, kabilang sa iba pang pangunahing negosyo ng Sea ang e-commerce arm nitong Shopee at ang digital financial services arm nitong SeaMoney. Misyon ng Sea na pagandahin ang buhay ng mga consumer at maliliit na negosyo gamit ang teknolohiya.